Ozzy Osbourne guitarist tur Zakk Wylde

Ozzy Osbourne studio album thar tura hla zawng zawngah Zakk Wylde chuan guitar a perh sak vek dawn.

Zakk Wylde leh Ozzy Osbourne thawkdun tur hi chu thil thar a ni lem loa, tunhma khan vawi eng emaw zat lo thawkdun tawhin hla te pawh an lo phuah dun fo tawh a, Ozzy-a solo album thar turah hian thawhdun lehzai an rel ta a ni.

Ozzy-a album thar turah hian Eric Clapton, Jeff Beck, Tony Iommi leh Zakk Wylde-te sulhnu a tel dawn tih thawm a awmna chu a rei tawh a, tunah phei chuan a guitarist chhuanvawr Zakk Wylde phei chu a hla zawng zawngah a tel dawn tih a rawn sawi chiang leh ta a, anni pahnih thawkdun leh tur hi an fan-te tan chuan a phurawm khawp ang.

The Diary of the Madmen – The Ultimate Ozzy podcast-ah Black Sabbath vocalist chuan hemi chungchang hi a sawi chiang a ni.

Wylde hi Ozzy Osbourne album 2007-a tihchhuah Black Rain hnuah kha chuan Ozzy hlaah a perhsak ta meuh loa, tun hi kha album hnua album puma a thawpui leh hmasakna ber tur a ni. Kum 1988 No Rest for the Wicked aṭanga kum 2007 thleng khan Ozzy-a guitarist hi a ni thung.

Ozzy Osbourne album thar tur chungchang hi chiang taka sawi a la awm lo thung a, tlangzarh hun tur pawh puanzar a la ni lo.