Josh Brolin kum riat a 'dry' tawh

'Dune' star Josh Brolin chuan kum riat chhung zu leh ruihhlo tel loin hun a hmang ta.

Thawhṭanni khan Josh Brolin hian Instagram lamah hemi chungchang hi sei tak tarlangin a nupui leh a fate chu hetiang dinhmuna a din theih chhan an nih thu sawiin lawmthu a hrilh .

Brolin hi kum 2013 chhoah khan a che buai hle a, rehab-ahte lutin chumi kum vekah chuan a nupui pahnihna Diane Lane nen an inṭhen bawk a ni.

"Harhfima hun hman chu kan fate pawhin min ena min ring tih hriatna hi a ni," tia sawiin,

"Harhfimna chu pathian hi engkimah a awm a, rawng awm zawng zawng hi a siam a ni tih hriatna hi a ni," a ti bawk. 'Avengers: Endgame' actor hian Pathian, a chhungkua leh a ṭhiante hnenah lawmthu uar takin a sawi.