Miss America pageant-ah swimsuit leh evening gown competition titawp

Miss America Organisation chuan beauty pageant an buatsaiha swimsuit leh evening gown competition an telh ṭhin chu an titawp tawh dawn tih an sawi.

Beauty pageant-a contestant-te chu an hmel leh pianhmang chu tehna lian ber atana hmang tawh loin, an ngaihtuahna leh thil thlir dante chu tehfung pawimawha hman a ni tawh dawn a ni. Official-te chuan tun hma lam pawhin contestant-te chu an pawn lam lan mawina ni ringawt loin, an rilru chhungril lam focus a pawimawh thu an lo sawi fo tih an sawi.

Pheikhawk sang leh swimsuit nena inlan chu an duh ber lo tih sawiin, hei hi an tih a ngai tawh dawn lo tih an tarlang. He dan thar hi hman nghal a ni dawn lo thung a, kum 2019 aṭangin hman a ni ang.