A Star Is Born-ah Lady Gaga

October 5-a tlangzarh tur American musical romantic drama film 'A Star Is Born' trailer chu a chhuak ta a, Lady Gaga a langsar hle.

Thawhlehni khan movie trailer hi tihchhuah a a ni a, Lady Gaga leh Bradley Cooper te zaidun pawh hmuh tur a awm. Gaga hian thlir bik a hlawh lo thei lo a, acting lam pawh a tithei viau mai. Musical romantic drama film a nih ang ngeiin zai ngaihthlak tur pawh a awm nual dawn tih a trailer aṭangin a hriat a, Lady Gaga pawh hian dawn san a rap a ni.

Bradley Cooper hi director a ni nghal a, Lady Gaga, Andrew Dice Clay, Dave Chappelle leh Sam Elliott te chu a changtute an ni.