Beckham-te nupain an royal wedding thawmhnaw We Love Manchester-ah donate

David Beckham leh Victoria Beckham-te nupa chuan Duke and Duchess of Sussex -te inneih­naa an thawhnaw hak chu nikuma mi 22 laiin nunna an channa, Man­chester bombing tuartute ṭan­­puina tur sum tuakna atan an pe.

He an thawmhnaw inbel lilamna aṭanga sum hmuh hi We Love Manchester Emergency Fund atan hman a ni ang.

Harry and Meghan te inneih kha khawvel hmun hrang hrangah mi maktaduai chuangin an en a, keini ramah ngei pawh TV kaltlangin kan lo thlir ve a nih kha! Khata David Beckham-te nupa incheina kha a nalh kan tih thu Mizo ṭhalaite pawhin kan sawi nasa in WhatsApp status-ah te pawh hmuh tur a tam viau bawk a nih kha.

David khan charcoal grey Dior morning suit-a ha a, Victoria pawhin navy blue kawr mawi tak a hak kha internet lamah lei theihin chhawpchhuah a ni dawn a, online draw neih a ni ang a, a vannei ber chuan Beckham-te nupa thawhnaw kha an nei thei dawn a ni.