'Krrish 4' ah Priyanka Chopra chang dawn

Desi girl Priyanka Chopra-i chu Hrithik Roshan-a channa, 'Krrish 4' ah a chang dawn tih tihchian a ni ta.

Priyanka Chopa hi global icon ni tawhin, Hollywood lamah a lut thuk sawt hle. Bollywood lamah chuan kum 2016 hnua a film hmasa ber tur, 'Bharat' a sign leh chauh a ni. Hei bakah hian 'Krrish 4' ah a inlan dawn tih sawichian a ni leh ta bawk.

Director Rakesh Roshan chuan 'Krrish 4' a Priyanka Chopa inlan tur thu hi a sawi a, mahse eng ang role nge pek a nih dawn erawh a sawilang lo. Roshan chuan 'Krrish' a siam tirh hian hmel thar a duh thu sawiin, Priyanka chu he role chang tura a inhmeh thu a sawi. 'Krrish' an siam lai hian Priyanka hian Hollywood lam a pan a ring lo tih a sawi bawk.

'Krrish 4' hi a series pali-na tur niin, a hmaa mi 'Koi..Mil Gaya', 'Krrish' leh 'Krrish 3' te pawh Box Office lamah an che ṭha vek a ni.