Post Malone & The Weeknd thawhdunna hla thar vawiinah

American rapper Post Malone leh Canadian singer The Weeknd-te thawhdunna hla thar chu vawiin aṭang hian ngaihthlak theihin a awm dawn.

'Circles' hitmaker leh 'Blinding Lights' star-te hian an hla thar tihchhuah tur 'One Right Now' chu an social media account-ah audio teaster an 'share' ve ve a, tunlai artist lar ber berte pahnih thawhdunna hla hi nghakhleltu an tam tih a chiang.

Malone leh The Weeknd-te hian an hla thar audio hi share mah se a title track erawh an puangzar lo ve ve a, amaherawhchu The Weeknd manager Dre London chuan a Insta-gram page-ah hla thar title leh tlangzarh hun tur hi a puangzar thung.