Avril leh Travis Barker-a DTA Records-te'n inremna an siam

Avril Lavigne chuan Blink-182 drummer DTA Records nen inremna an ziah thu a sawi.

Nilaini khan hemi chungchang hi Avril hian Instagram lamah a puangzarh a,"Travis Barker-a record label DTA Records nen record contract kan sign zo chiah! Karleh hian ka single hmasa ber ka tichhuak nghal dawn em" tiin post a siam.

DTA Record hi kum 2019 kum tawp lama tlangzarh kha niin Blink-182 drummer leh Elektra Records thawkdunin an tlangzarh a ni a, artist lar thar mek jxdn leh Caspr te pawh thawhpui tawhin Barker-a'n rock leh hip-hop artist hrang hrang a thawhpui (collaborate) na ṭhin te pawh kha he record label kaltlanga tihchhuah hi a ni ṭhin.

Kar hmasa lamah khan Avril hi Barker-a House of Horrors concert special-ah a inlan nghe nghe a, Machine Gun Kelly leh Mark Hoppus-te nen an inlan a ni.