ISS-ah hmarcha an thar

International Space Station (ISS)-a astronaut awmte chuan October 29 khan a vawi khatna atan thlai, hmarcha (chilli pepper) an thar a, he an thlai thar chhuah hi Twitter lamah a thlalak pawh an pho chhuak tawh nghe nghe.

Hmarcha an thar hi ISS experiment pakhat Plant Habitat-04 study peng pakhat niin, ISS-a khawsa mek astronaut Megan McArthur chuan Twitter lamah hemi chungchang hi a tarlang.

An hmarcha thar chhuah hi tacos-ah dahin an ei nghe nghe a, chumi chungchang McArthur-i'n social media lama a tarlan pawh chuan ngaihven a hlawh nghal hle a ni.