'Wicked' Movie Musical-ah Ariana Grande leh Cynthia Erivo

Broadway musical 'Wicked' movie-a siam turah Ariana Grande leh Cynthia Erivo-te an chang dawn.

Grande leh Erivo-te hian Instagram lamah Land of Oz-a witch lemah an chan dawn thu hi an tarlang tawh a, Grande chu Glinda the Good Witch lemah a chang dawn a, Erivo chu Elphaba the Wicked Witch of the West lemah a chang thung ang.

Steven Schwartz musical hi kum 1995-a tihchhuah Gregory Maguire lehkhabu 'Wicked: The Life and Times of the Wicked Witch' behchhana siam a ni a, screenwriter Winnie Holsman leh composer Schwartz-te chuan movie puitlinga siam tur hian hma an la a ni.

'Wicked' hi Broadway lamah chuan a hlawk hle a, kum 2016 khan $maktaduai lalut tling daih tawhin 'The Phantom of the Opera' leh 'The Lion King' te nen chiah hetiang zat hi Broadway kaltlangin an la lalut thei a ni. 'The Lion King' tih loah chuan Broadway-a sum lalut tam ber a ni mek bawk.