2021 MTV EMA-a inlan tur zingah Ed Sheeran leh Imagine Dragons an tel

2021 MTV Europe Music Awards November 14-a Budapest-a sem tura inlan tur zingah Ed Sheeran, Imagine Dragons, Yungblud, Griff leh girl in red-te an tel tih tihchian a ni leh.

Tunhnai lawka album thar '=' tlangzarhtu Sheeran hian nomination panga lai a hmu a, chung a nominee nihnate chu award ngaihhlutawm tak tak best artist, best pop, best U.K. and Ireland act, best song leh best video-te a ni.

Imagine Dragons pawh kum riat hnuah EMA stage-ah an inlan leh dawn a, rapper J.I.D an thawhpuina 'Enemy' an sa dawn. Anni hi best rock leh best group award dawng thei zingah an tel.

Kumin EMA-a nomination hmu tam ber chu Jusitn Bieber niin pariat lai a hmu a, Doja Cat leh Lil Nas X-te chuan dawtin paruk ve ve an hmu ve bawk.