Saudi Arabia leh Middle East ram ṭhenkhatah 'Eternals' chhuah an khap

Marvel Cinematic Universe film thar ber 'Eternals' chu Saudi Arabia leh Middle East ram ṭhenkhatah chhuah khap a ni.

Angelina Jolie leh Salma Hayek-te channa hi censorship chungchang avangin Saudi Arabia, Qatar, Kuwait, Bahrain, leh Oman-ahte tlangzarh a ni ve dawn rih lo. November 11 hian heng film-te hi Middle East ramahte hian tlangzarh tura ruahman a ni a, mahse cinema hall thuneitu lam chu heng ram ṭhenkhatte hian an rama tlangzarh lo turin an ti.

Eng censorship chungchangah nge he film hi khap a ni tih chiang taka tarlan a la ni loa, mahse mahni anpui lam hawi leh mipat hmeichhiatna lam hawi scene awm avanga khap anih media ṭhenkhat chuan an rin thu an tarlang.

Hetihlai hian United Arab Emirates, Jordan, Lebanon, leh Egypt-ahte chuan engmah paih ṭhen loin he film hi tlangzarh a ni dawn thung.

Salma Hayek, Angelina Jolie, Kumail Nanjiani, leh Kit Harington-te channa film hi US lamah chuan nimin khan tlangzarh a ni tawh a, sum tam tham tak tun kar tawp chhunga a lakluh beisei a ni. He film-ah hian Harry Styles pawh a inlan zuai niawm tak a ni!