YouTube-in music video 30 paih tawh

YouTube chuan UK police te ngenna bawhzuiin, tharum thawna thlen tura mi­dang chawk phur thei nia ngaih music video 30 zet an paih tawh.

UK police te chuan mipui hmuha music video tarlan tam tak chu a him tawk lo nia sawiin, tharum thawhna thlen thei te chu paih turin an ngen a ni. Heng video-te hi en a him tawk lo tih sawiin, sualna pawh a pung niin an sawi. Hemi chungchang hi YouTube hnenah hian thenin, hriam hrei leh tharum thawhna tihlanna video paih tur hian an ngen ta a ni. Hei hi YouTube chuan bawhzuiin, music video 30 zet chu an paih tawh.

Hetih lai hian hemi duh lohna lantir hian online petition kalpui a ni a, mi eng emaw zatin an hming an sign tawh a ni.