Bond girl hmasa ber Eunice Gayson a thi

James Bond film-a a changtunua ṭang hmasa ber, English actress Eunice Gay­son chu June 8, Zirtawpni khan kum 90 mi niin a thi.

Eunice Gayson hi kum 1928 khan Surrey, England-ah a piang a, film khawvelah chuan mite hriat hlawh ber pawl a ni. James Bond film chhuak hmasa pahnih - Dr. No leh From Russia with Love-ah te Sylvia Trench lem­ah a chang a, hetaṭang hian khawvelin a hmelhriat ta a ni.

Kum 1962-a tihchhuah Dr. No hi Bond Girl a nihna hmasa ber a ni a, a kumleha tihchhuah From Russia with Love-ah hian a chang zui leh nghal bawk.

Gayson hian film eng emaw zat a lo chang tawh a, Bond girl a nih hma pawh hian The Revenge of Frankenstein-ah a lo chang tawh a ni. TV series hrang hrangah a lo inlan tawh ṭhin bawk. Gayson hian uitu a ngah hle a, a thihthu hian khawvel a deng chhuak hneh hle a ni.