Mizoramah khawvela production bike chak ber Suzuki Hayabusa hralhchhuah a ni ve ta

LBS Suzuki, Bawngkawn chuan khawvela production bike chak ber, Suzuki Hayabusa (GSX1300R) chu Mizoramah a vawi khat nan June 9, Inrinni khan an hralh chhuak ve ta.

Hayabusa hi Suzuki kutchuakah pawh an chhuanvawr a ni a, a man pawh a u deuh. India ramah chuan nuai 13/14 vel te a ni. He superbike hi darkar khata km 312-a chakin a tlan thei a ni. Hetih lai hian turbo charger vuahin American rider William Warner chuan darkar khata km 502.27-a chaka tlanpuiin, kum 2011 khan world record a lo siam tawh a ni.

Suzuki Hayabusa 2018 model hi inline 4 cylinder engine niin, 1340cc engine aṭangin 199.7 hp a pe chhuak a, 268 kg zeta rit a ni bawk