Mizo Hla Inphuahsiak 2018 ; Zaninah result puang dawn

Music Domain Mizoram (MDM) buatsaih Mizo Hla Inphuahsiak 2018 result chu zanin dar 8:00 hian Hotel Regency Conference Hall-ah puan a ni dawn a, lawmman sem nghal a ni ang.

Result puanna leh lawmman semna hun hi Sabina-i'n a host dawn a, Sawmtea chu stage director tur a ni. Hunserh hman a ni dawn a, intihsiak kalphung leh endik dan te tarlan a ni ang. Zaithiam zai ngaihthlak tur a awm dawn bawk.

Mizo hla inphuahsiak buatsaih thlirlawkna hi neih a lo ni tawh bawk a, zaninah a hmawr bawk a ni dawn ta a ni. MDM chuan Mizo irawm chhuak hla thar tam zawk a chhuah theih beiseiin intihsiak hi an beisei a, lawmman pawh ṭha tawk tak siam a ni.

Pathian hla leh Lengzem/Lenglawng-ahte ṭhen a ni a, pakhatna hian pawisa fai Rs. 10,000 a dawng dawn a, top 10 chin ten consolation prize an dawng bawk ang.

Hei bakah hian Lords Studio leh Jh Home studio-te chuan a thlawn vekin sound track an siam sak dawn a, voice recording hi Studio A-16, Chanmari-te'n an tih sak dawn a ni. MDM Library hmalaknain Milestone picture leh A&Z Entertainment-te chuan music video an siam sak dawn bawk a ni.