Etihad Stadium-ah Taylor Swift

Reputation Stadium Tour neia hun hmang Taylor Swift chu June 8 khan Etihad Stadium, England-ah a inlan a, nikuma Ariana Grande concert neih laia nunna chan te sunna thu a sawi.

Swift hi Manchester-ah hian ṭum hnih a concert a, mi 50,000 vel zetin an chhim a ni. Swift chuan, "He hmunah hian chhiatna rapthlak tak a lo thleng tawh a, nunna chan leh hliam tuarte ka tawrhpui tak zet a ni. Khatiang thil rapthlak kha a thlen tawh loh ka duh tak zet a, ṭanho angai a ni" tiin a sawi.

American singer Ariana Grande chu nikum May thla khan Manchester-ah hian a lo concert tawh a, hemi ṭum hian bomb a puah avangin mi mi 22 an thi a, hliam tuar eng emaw zat an awm bawk. He thil thleng duh lohna lantir hian a kum khat tlin champha khan mi tam takin lungawi lohna an lan tir a ni.

Swift pawhin kha thil thleng kha a theihnghilh bik lo a, concert a neih ṭum pawh hian zahna a lantir a ni.