Lady Gaga-i'n rilru hriselna ngaipawimawh

A incheina leh mipui hmaa a khawsak ṭhin dan ringawt en chuan Lady Gaga thusawi hi pawm harsa kan ti mai thei. Mahse American singer hian a harsatna tawh aṭangin naupangte tan fuihna thu ṭha tak a sawi.

Lady Gaga hian tun hnai khan Children Mending Hearts ten an buatsaih, 'Empathy Rocks' chu Los Angeles-ah a hmanpui a, rilru hrisel neih a pawimawh zia a sawi uar hle. 'Bad Romance' singer chuan, "Hun rei tak chhung chu rilru lamah harsatna ka tawk a, kei leh ka chhungte kan buai hle. Rilru hrisel neih hi a pawimawh tak zet a, harsatna intawh ve loh ka duh a ni" tiin naupang pungkhawm hmaah thu a sawi.

Children Mending Hearts te hian Lady Gaga hi 'Global Changemakers Award' an hlan a, a nu Cynthia Germanotta chuan a ṭawiawm ve bawk.