Justin Theroux-a'n pit bull a adopt
Hollywood star Justin Theroux hian ui a ngaina ve a ni ang, tun hnai khan khawvela ui lar ber pawl pit bull a adopt ve tlat mai.
Kum 2017-a Jennifer Aniston nen an inṭhen hnuah chanchin sawi tur neuh neuh a nei ve reng a, tuna ui a adopt chungchang pawh hi social media lamah chuan an khel leh laih laih tawh. A ui hi a hming chu Kuma a ni a, Washington Square Park-a thla a laklpuina pawh hmuh tur a awm nual.
He ui hi volunteer group, A Chance to Bloom Dog Rescue-te'n an chhanchhuah a ni a, adopt tur hian thla khat vel zet a buaipui a ni. Justin Theroux leh Jennifer Aniston te hian ui an ngaina hle a, ui pathum lai an vulh a ni. An inṭhen hnuah pawh Justin chuan ui vulh a la bansan chuang lo a a, a ui hmasa breed ang ngat, pit bull bawk a buaipui leh mek a ni.