Ram puma Celerio thar tlangzarhna hmasa ber - Mizoram

Covid-19 a len hnua an dinhmun chawikan lehna tura Maruti Suzuki-in Celerio thar an siam chu nimin khan Mizorama lei theih turin Television reporter Vanneihthanga'n GIG Motor showroom, Edenthar-ah a khuh hawng. Maruti Suzui Celerio thar hi India ramah chuan Mizoram hi tlangzarhna hmasa ber a ni.

Car chungchang sawitu Lalrawngbawla chuan car man tlawm leh ṭha a ni a, Celerio hmasa aiin a pian hmang a puitling a, a mawi zawk bawk. India rama car zinga petrol heh lo bera a nih bakah India rama car hralh chhuak hnem ber Marutu Suzuki siam a nih avangin a hlawhtling leh ngei dawn a ni, tiin a sawi.

Kum 2014 khan Celerio car hmasa tihchhuah a ni a, kum sarih chhungin India ramah nuai ruk dawn an hralh hman a ni.

India ram hmun dang aia tlangzarh hmasak a nih avang hian a man tur tak erawh chiang taka hriat a la ni loa, Rs Nuai 3.9 aṭanga Rs Nuai 6 inkar vel a nih a rinawm.