Stranger Things 4 nakkum nipuiah

Stranger Things season 4 chu nakkum nipuiah tihchhuah a ni dawn.

Netflix chuan Inrinni liam ta, November 6 khan Stranger Things 4 teaser trailer palina an tichhuak a, an trailer tihchhuah thar ber hi 'Welcome to California' tiin a hming an vuah.

Netflix hian a hmain trailer pathum- Sneak Peak, Eleven, are you listening leh From Russia with love-te chu an lo tichhuak tawh bawk.

Season 3 tihchhuah aṭanga kum thum vel zet a liam hnuah season 4 hi tichhuak dawn chauh mah se season 3 hnu kum khat pawh tling loa thil thleng anga chan a ni dawn. Netflix hian episode awm tur zawng zawng title an tarlang vek tawh bawk a ni.

Stranger Things hi kum 2016 khan tihchhuah ṭan a ni a, episode 25 tichhuak tawhin tuna an tihchhuah leh turah hian episode pakua a awm dawn.