MSU Kulva Choir MV thar 'Min thawi dam ṭhin'

MSU Kulva Choir music video thar 'Min thawi dam ṭhin' chu zirtawpni zan dar 8-ah khan MSU Official Youtube channel-ah tlangzarh a ni a, duh hun huna hmeh chhuah theihin a awm ta.

'Min thawi dam ṭhin' tih hi Madinmawia phuah niin, Mizoram boruak nawmzia leh a chhunga chengte'n ram dang kan ngaih bik lohzia tarlanna hla a ni a, MSU Kulva Choir-te hian an sa mawi hle. An video-ah hian Zo hnam hrang hrang inpumkhatna zia rang tilang telin hnam lam thiam takin MSU Kulva Cultural Club-te'n an lantir bawk a ni.

MSU Kulva Choir music video thar hi an YouTube channel-a tihchhuah a nih bakah hian LPS leh ZONET lamah thlir theihin an tihchhuak ṭhin bawk ang.