Metallica San Franciso Symphony nena an perform-na video August-ah

Metallica chuan nikuma  San Francisco Symphony nena show an neihna video chu August-ah hian an tichhuak dawn.

Drummer Lars Ulrich chuan 'Jimmy Kimmel Live!'-a a fan pakhat nena an titinaah  hemi chungchang hi a sawi chhuak a, 'S&M' copy chu tilangin 'S&M2' August-ah an tlangzarh leh dawn tih hi a sawi a ni.

S&M hi Symphony and Metallica tihna a ni a, kum 1999 kan San Francisco Symphony leh Metallica hi lo thawk dun tawhin an live album 'S&M' chu Grammy-te hial pawh an lo lakpui tawh.

San Franciso Symphony nen hian nikum khan an perform hona aṭanga kum 20-na chanphaah show an nei ho leh a, darkar hnih leh a chanve zeta rei show an buatsaih a ni. James Hetfield, Lars Ulrich, Kirk Hammett leh Robert Trujillo-te chuan mi 80 zet telna San Francisco Symphony-te nen an hla hit tak tak an perform ho leh a, a hmunah hian mi 16,000 vel laiin an thlir nghe nghe.

S&M2 hi part pahnihah ṭhenhran a ni dawn a, The Unforgiven III, One, Master of Puppets leh Nothing Else Matters-te pawh an hla sak zingah hian a tel. The Ecstasy Of Gold hmangin San Francisco Symphony-te chuan show an hawng a, Enter Sandman hmangin an khar leh a ni.