Zualbawihi'n YMA Day pualin music video a siam

Zualbawihi chuan YMA Day pualin music video thar 'Aw Zoram Nuam' a tichhuak dawn a, YMA Day, June 15 hian a YouTube channel-ah thlira ngaihthlak theih turin a tichhuak dawn.

'Aw Zoram Nuam' hi hla thar a ni lo a, Daduhi pawhin thiam taka a lo sak tawh ṭhin kha a ni a, Zualbawihi hian a rawn thar thawh leh dawn a ni. He hla hi PC Lalṭhakima phuah niin YMA programme hrang hrangah chuan a sa fo tawh a, tunah erawh recording-te tiin  PB Lianhminga'n music a buaipui sak a,  3 bro-sis (Ronald Zothantluanga) chuan video buaipui sak bawkin music video kan hmu thuai dawn ta a ni.

Video-ah hian CYMA OB-te leh hmun hrang hranga YMA member awmte chetvelna hmuh tur a awm dawn a, Zualbawihi chuan Covid-19 vanga ram leh hnam damna atana a sur a sa hnuaia duty YMA member-te tan a hlan tih a sawi.