K-Pop MAMA Awards US lamah

K-pop’s flagship award ceremony, Mnet Asian Music Awards (MAMA) chu United States lama sem an la tum.

MAMA buatsaihtu entertainment leh lifestyle company CJ ENM chuan kum rei lote hnuah chuan he award hi America lama sem ngei an la tum tih an sawi. CJ ENM director-general of music content headquarters, Kim Hyun-soo chuan," MAMA hi Asia- a bikin Hong Kong, Japan, Singapore leh Korea-ahte chiah sem a ni ṭhin.

"Khawvel pum huapa K-pop-in nasa taka hma a sawn avangin Asia pawn lamah pawh huang zauh kan tum a ni. Kum rei lote hnuah chuan MAMA pawh khawvela music market lian ber US lamah sem kan la tum," a ti.

December 11 hian MAMA vawi 13-na chu sem a ni dawn a, hetah hian British singer Ed Sheeran chu a inlan dawn tih a chiang tawh a ni.