No Time to Die Hrilen hnua Hollywood film sum lalut tam ber tur

James Bond film 25-na, Daniel Craig-a 007 agent lema a chan hnuhnunna ber 'No Time to Die' chuan $mtd 700 chuang sum a lalut tawh a, tun kar tawp liam ta thleng khan $708,408,363 a lalut tling tawh.

Rami Malek, Lashana Lynch, Billy Magnussen leh Ana de Armas-te channa film hi US lamah erawh a che ṭha over loa, thla khat chhung velin $150,389,363 a laut tawh. Hetihlai hian ram hrang hrangah a che ṭha hle thung a, North America pawn lamah $558,019,000 lai lalut tawhin Hollywood film bikah chuan 'F9' chiah a pha tawh lo.

'F9' hian kar tawp liam ta thleng khan $721,077,945 a lalut tawh a, 'No Time to Die' hian kar loah a khum thuai dawn tih a chiang.

'No Time to Die' hi kumin chhunga film sum lalut tam palina a ni mek a, tun ang renga a sum lakluh a pung chho a nih chuan kumin chhunga sum lalut tam ber ni thei tur pawhin a dinhmun a ṭha sawt viau. Sum lalut tam ber chu Chinese film 'The Battle at Lake Changjin' niin $885,240,000 a lalut tawh thung a ni.