Teen Choice Award 2018 Nominee puan a ni ta ; Taylor Swift bawk a langsar

Kumtina sem ṭhin Teen Choice Award chu August 12 khian Los Angeles, California-ah sem a ni leh dawn a, June 13 khan nominee pawh puan a ni. Ṭum dang ang bawkin Taylor Swift chu mimala langsar a ni leh a, categoary pathumah award dawng thei tura chawpchhuah a ni.

Ningani-a nominee puan hian ngaihven a hlawh nghal hle a, a bikin music huangah thawm a ring hle. Award dawng tura chawpchhuahte hi an hrawl a, tunlai zaithiam zinga a 'ber' kai pha ṭhiau tih ngam an ni. Movie lamah pawh tunlai film lar chu an langkim thawkhat a, a changtute pawh award dawng turin an dinhmun a ṭha hle.

Nominee-te chu
Music huangah bik chuan Taylor Swift, Drake, Cardi B leh Shawn Mendes te chu mimala langsar an ni a, J Balvin, Calvin Harris leh Carrie Underwood te chu award dawng thei turin an dinhmun a ṭha viau bawk.

Movie lamah chuan kumina film tihchuah - Avengers: Infinity War leh Black Panther te an langasar hle. Tunlai film lar - The Greatest Showman, Thor: Ragnarok, Rampage, Blade Runner 2049, Ready Player leh Tomb Raider te an langsar vuai bawk.

A changtute lamah pawh - Avengers: Infinity War star Chris Evans, Robert Downey Jr., Tom Holland te chu an langsar a, Henry Cavill (Justice League), John Boyega (Pacific Rim: Uprising) te chu Choice Action Movie Actor award dawng turin an khan viau bawk.

Hmeichhe lamah pawh Avengers: Infinity War changtute an langsar leh a - Scarlett Johansson, Elizabeth Olsen leh American actress Zoe Saldana te chu Choice Action Movie Actress award dawng thei tur zingah an langsar hle. Anni bakh hian Tomb Raider star Alicia Vikander, Amy Adams (Justice League) leh Gal Gadot (Justice League) te chu chawpchhuah zingah an tel bawk.

Tunge khan?
Teen Choice Award nominee puan a nih rual khan music lamah thawm a ring nghal a, award dawng thei tura chawpchhuahte pawh an hrawl hle. Choice Male Artist award dawng thei tura chawpchhuahte hi Bruno Mars, Drake, Ed Sheeran leh Shawn Mendes te an ni nawk a, British singer Ed Sheeran chu award dawng tura khan ber nia ngaih a ni.

Hmeichhe lamah - Ariana Grande, Camila Cabello, Cardi B, Demi Lovato, Dua Lipa leh Taylor Swift te chu Choice Female Artist award dawng thei tura chawpchhuah an ni a, an khan viau vek mai. 'Reputation' tour neia hun hmang mek Taylor Swift chu rinkai ber a ni a, Champions League 2018 final-a peform thei Dua Lipa buk a rit viau bawk. Nominee dangte pawh hi a 'ber' tih ngam ṭhah an nih avangin mipui lama tlana an vannei dawn a ni.

Country singer zingah Blake Shelton, Carrie Underwood, Kane Brown, Kelsea Ballerini, Maren Morris leh Thomas Rhett te chu Choice Country Artist award inchuh tur an ni. Electronic music lamah - Scottish DJ lar Calvin Harris, French superstar Marshmello, Dutch DJ chhuanvawr Martin Garrix leh German-Russian record producer Zedd te chu award dawng tura rinkai an ni bawk.

Latin lamah chuan 'Despacito' hla avanga khawvel dengchhuak thei Daddy Yankee leh Luis Fonsi te chu Choice Latin Artist award dawng tura ngaih an ni.

Fox television network chuan kum 1999 aṭang khan Teen Choice Award hi - music, film, sport, television, fashion leh thil danga chawimawi phute hnenah an sem chhuak ṭhin. Kum 13 -19 inkar te chuan nominee zinga an duh ber vote hmangin an thlang chhuak ṭhin a ni.