Portugal tan Shawn Mendes

Canadian singer Shawn Mendes chuan a hla hit 'In My Blood' chu Portugese ṭawngin a tichuak a, hei hi FIFA World Cup-a Portugal official song a ni.

Shawn Mendes hian June 13, Ningani khan version thar hi a tichhuak a, Portugal team tan phurna a pe ngei ang. Tun ṭum hi Mendes hian Portugese hla a tichhuah ṭum khatna a ni a, thil chinchhiah tlak tak a ni. A pa hi Portuguese a ni a, amah hi chu Canada-a piang a ni thung.

Mendes chuan, "World Cup-ah hian ka nu leh pate chhuahna Portugal leh England te ka ṭan dawn a ni. Cristiano Ronaldo hi ka player duh ber a ni a, naupangte ka nih lai aṭanga chona min pe ṭhintu a ni" tiin a sawi.

Cristiano Ronaldo leh a hote cho phurna hla hi YouTube-ah en tur a awm nghal a, viewer pawh an tam chak hle. Video-ah hian football kaihnawih chihrang hrang tarlan a ni.