Inter Branch YMA Beat Contest-ah Pu Kaia Sap sikul band an ṭhiam ber

Chanmari Brach YMA-te'n an kum 60 tlin lawmna puala an buatsaih Inter Branch YMA Beat Contest chu Ningani zan khan zawhfel a ni a, Ramhlun North Branch aiawh Pu Kaia Sap sikul band te an ṭhiam ber.

Inter-Branch YMA Beat Contest final hi June 14 zan khan Chanmari YMA Hall-ah neih a ni a, band pa­sarih-te an intihsiak.

A tawpah Pu Kaia Sap sikul Band, Ramhlun North te an thiam ber a, lawmman Rs 1,00,000 an dawng. Pahnihna chu The Detention, Dawrpui te an ni a, Tuikual South aiawh Char Nambar te chu pathumna an ni. Pahnihna hian Rs 50,000 an dawng a, pathumna hnenah Rs 30,000 hlan an ni bawk.

Palina hi pahnih an awm a, Upsurge (Saron Veng) leh Late O' Clock (Kanan Veng) veng te an ni. Anni hian Rs 10,000 ve ve an dawng a, pangana - Tuitu (Electric Veng) leh The Mynas (Vaivakawn) ten Rs 5,000 leh certificate an dawng bawk.

Mimal lawman
Mimal lawmman hrang hrang Best Voca­list, Best Guitarist, Best Bassist leh Best Keyboardist bakah, Best Drummer thlan a ni.

Best Vocalist atan Ruth Chalthansawmi, Saron thlan a ni a, Best Drummer chu Malsawmkima Ralte, Ramhlun North a ni. Best keboardist chu Eddie Lalhming-sanga, Kanan a ni.

Best Bassist atan PB Lian­sanga, Dawrpui chu thlan a ni a, Best Guitarist chu Char Nambar guitarist Ephraim Malsawma, Tuikual South a ni. Mimal lawmman hian Rs 2,000 leh certificate a keng tel a ni.

Inter Branch YMA Beat Contest Result
1. Pu Kaia Sap sikul Band, Ramhlun North
2. The Detention, Dawrpui
3. Char Nambar, Tuikual South
4. Upsurge, Saron Veng
4. Late O' Clock, Kanan Veng
5. Tuitu, Electric Veng
5. The Mynas, Vaivakawn

Mimal lawmman
Best Drummer - Malsawmkima Ralte, Ramhlun North
Best keboardist - Eddie Lalhmingsanga, Kanan
Best Vocalist - Ruth Chalthansawmi, Saron
Best Bassist - PB Liansanga, Dawrpui
Best Guitarist - Ephraim Malsawma, Tuikual South