Wembley-ah Taylor Swift inthehṭhil dawn

Tun thla tir khan Etihad Stadium, Manchester-ah concert a lo nei tawh a, June 22 & 23 zan hian Wembley Stadium, London-ah Taylor Swift a inthehṭhil leh dawn.

American singer hian nikum November thla khan 'Reputation' album a tlangzarh a, hemi tih lar nan hian May thla aṭang khan tour a nei ṭan a ni. Kar kalta Zirtawpni leh Inrinni zan khan Croke Park, Ireland-ah concert a nei a, hlut a hlawh leh pek hle. Swift hi a bialpa English actor Joe Alwyn chuan a ṭawiawm a, stage-a a cheṭla lai hi mupui zing aṭangin a lo thlir a ni.

'Look What You Made Me Do' singer hian London lam a hawi leh mek a, England-a stadium lar Wembley-ah a concert leh dawn a ni. June thla tir lam a concert tawhna England bawk a pan leh dawn a, London khawpuia amah ngaisangtute tan chuan chanchin lawmawm tak a ni ngei ang. Swift hian 'Reputation' tour hi November thla thleng a nei dawn a ni.