Femina Miss India Hmawrbawk zan

fbb Colors Femina Miss India 2018 thlanna chu zanin hian a hmawr bawk a ni dawn ta a, Grand Finale hi Mumbai khawpuiah neih a ni ang.

Femina Miss India thlan ṭum 55-naah hian state 29 aiawhte an tel a, national captial, Delhi chuan an nula chhhuan vawr Gayatri Bhardwaj an theh chhuak ve bawk. Contestant 30 te hian zanin hian intihsiak an hmachhawn leh ang a, result puan nghal a ni ang.

Kar kalta Zirtawpni zan khan sub-title hrang hrang sem a lo ni tawh a, Miss India Mizoram Lily Lalremkimi Darnei chuan Fashion Icon leh Miss Iron Maiden title a la a ni. Delhi nula Gayatri Bhardwaj chuan sub-title pathum a la bawk.

Grand Finale-ah hian Miss World 2017 Manushi Chhillar chu tel tura beisei a ni a, Haryana nula hian Femina Miss India 2018 chu crown a khum tir dawn a ni. Winner bakah hian 1st & 2nd Runner up te hian Miss Earth 2018 leh Miss Grand International 2018-ah India ai an awm thei dawn a ni.

Lily Darnei chuan Mizo mipuite ṭawiawm ṭhinna avangin lawmthu a sawi a, zanina Grand Finale neih turah pawh thlawpna lantir leh turin a sawm a ni.