Dua Lipa-i'n record nih rual

English singer leh model ni bawk Dua Lipa chu Billboard Pop Song chart-ah kar 41 chhung a lang ta a, re­cord awm sa a nih rual chiah.

Dua Lipa hian 'New Rules' tih hla hmangin kum 20 kal taa American singer Edwin McCain-a'n 'I'll Be' tih hla hmanga record a lo siam tawh chu a nih rual chiah a ni. McCain hian kum 1998 khan record hi a lo siam tawh a, Lipa hi Pop Song chart-a record ding lai khum tur hian a dinhmun a ṭha hle a ni.

'One Kiss' singer Dua Lipa hian kum 2014-a Iggy Azalea record a nih rual chiah bawk a, hmeichhe zinga Pop Song chart top 15-a a zawna hla pathum nei thei zingah a tel ta a ni. A hla hit - Rules, One Kiss leh Calvin Harris nena an tihchuah IDGAF te chu top 15-ah hian an lang vek a ni.

Kum 22 mi Dua Lipa hian kum 2015 vel aṭang khan hriat a hlawh chho ṭan a, tunah chuan music khawvel sawi nghing theitu zingah a tel tawh a ni.