Edurne Garcia-i'n De Gea chesual lai a lo thlir!

June 14 aṭang khan FIFA World Cup 2018 chu Russia-ah khelh ṭan a ni a, khawvelin 'Greatest Show on Earth' a thlir mek. Hetih lai hian Spanish singer Edurne García pawhin Spain leh Portugal inkhel kha in lam aṭangin a lo en a, a bialpa Spain siban nghaktu De Gea che sual lai kha tv aṭangin a lo thlir ve reng a ni.

Spain hian an match hmasa ber-ah Portugal an tum a, chak zawk an awm lo. He inkhelah hian David de Gea chu a tihsual avangin a langsar a, in lam aṭangin Edurne Garcia-i'n a lo thlir tih hre mah se, an ram a chhanhim zo lo. Edurne hian De Gea hming chuanna jersey ha chhungin inkhel hi a thlir a, a beisei ang result erawh an hlawh chhuak zo lo a ni.

He inkhel hi Spain captain Sergio Ramos-a tawih Pilar Rubio pawhin a lo thlir uluk hle a ni. Pathianni zan khan Brazil leh Switzerland te an inkhel a, Brazil superstar Neymar-a hair-style mak danglam tak chu social media lama khel zui hlawh ber pawl a ni.