Aguilera album 'Liberation' a hit

Christina Aguilera chuan a studio album pariatna 'Liberation' chu June 15 khan a tlangzarh ta a, a hit nghal hle.

Xtina hian a album-a hla ṭhenkhat hi a larpui leh mek a, tun hnaia a inlannaah pawh a sa mawlh mawlh a ni ber. American pop star hian album a tlangzarh hnua tour neih a inpeih thu a sawi leh tawh a, 'Liberation' tih lar nan tour a neih leh thuai a beiseiawm hle.

An interview ṭumin Aguilera chuan, "Kum eng emaw zat liam ta khan tour hlawhtling tak ka lo nei tawh a, tunah chuan chhunzawm leh turin ka inpeih leh tawh a ni" tiin a phur thu a sawi. Fan ten a lakah dawng­theihna nasa tak an lantir avangin lawmthu a sawi bawk a, an tan tihlet sak tur a ngah hle tih a sawi uar hle.

Aguilera hi tun hnai khan 'Today' show-ah a inlan a, Demi Lovato nena an sak 'Fall In Line' a sak bakah, a hla hit 'Fighter' a sa bawk. A hla te hi a fan te tan a hlan thu leh, ṭha zawka a inlan leh thuai tur thu a sawi bawk.