Microsoft Surface Go 3 India-ah tlangzarh

Microsoft Surface Go 3 chu Nilaini kha India ramah tlangzarh a ni a, India rama Microsoft device, Windows 11 preload an tlangzarh hmasak ber a ni.

Surface Go model thar hi 60% vel laiin a chak zawk ntura ngaih a ni a, Rs. 57,999-in 10th-generation Intel Pentium Gold processor, 8GB RAM, leh 128GB SSD hmang chu an zuar chhuak dawn a, Amazon kaltlangin a pre-order theih tawh. Pre-order-tute hian Surface Pen Rs. 9,699 man an dawng tel dawn niawm tak a ni a, November 23 aṭangin an zuar chhuak ṭan thung ang.

Rs. 42,999 man pawh a awm a, chu chu 10th-generation Intel Pentium Gold, 4GB RAM leh 64GB eMMC hmang a ni thung. 10th-generation Intel Core i3 processor, 4GB RAM, leh 64GB eMMC hmang chu Rs. 47,999 man niin 10th-generation Intel Core i3 processor, 8GB RAM, leh 128GB SSD hmang chu Rs. 62,999 man a ni thung.

Surface Go 3 specifications ṭhenkhat:-
Display 10.50-inch
Processor Intel Pentium
Gold 6500Y
Front Camera 5-megapixel
Resolution 1920x1280 pixels
OS Windows 11
Rear Camera 8-megapixel