MTV Movie & TV Award 2018 Film ṭha ber 'Black Panther'
MTV Movie & TV Award 2018 chu a vawi 27 nan Santa Monica, California-ah nimin khan sem a ni a, Black Panther chu Best Movie atan thlan a ni.
Award ceremony hi US comedian Tiffany Haddish chuan a host a, Mustard, Chloe x Halle leh Nick Jonas te an perform a ni. Girls Trip star Tiffany Haddish hian a host satlih a ni lo a, Best Comedic Performance award a hum haw a ni. Riverdale star Madelaine Petsch chuan a vawikhat nan award lian tham a dawng ve bawk.
He hunah hian milar eng emaw zat an inlan a, chung zingah chuan - Kristen Bell, Mila Kunis, Seth Rogen, Michael B. Jordan leh Zendaya te hmel pawh hmuh tur a awm a ni.
Award winner
Black Panther chuan Avengers : Infinity War khumin award ngaihlut hlawh bera chhal ngam Best Movie a dawng a, Stranger Things star te an che ṭha viau bawk. American web television series, Stranger Things hian Best Show award a dawng a, a changtute pawh an langsar hle. Millie Bobby Brown chuan Best Performance in a Show category-ah a ber nihna a hauh a, Noah Schnapp chu Most Frightened Performance atan thlan a ni.
Black Panther star te pawh an che ṭha hle a, American actor Chadwick Boseman chu Best Hero atan thlan niin, Michael B. Jordan chuan Best Villain award a dawng bawk.
Best Fight category-ah Wonder Woman star Gal Gadot a langsar a, German sipaite nena an inbeihnaa a chet dan mit tlung tak avangin chawimawina a dawng a ni. Israeli actress Gal Gadota hi tunlai film star zingah pawh thawm nei lian ber pawl a ni a, award a dawng pawh hi a awm viau a ni.
Keeping Up with the Kardashians
MTV Movie & TV Award 2018-ah hian mipui ngaihven hlawh tak pakhat chu Best Reality Series category a ni. He category-ah hian award dawng thei tura chawpchhuah zingah Keeping Up With The Kardashians a langsar a, award pawh a dawng nghe nghe a ni. American television series lar hian chawimawina dawng tur hian Love & Hip Hop, The Real Housewives, RuPaul's Drag Race leh Vanderpump Rules te a khum a ni.
Award ceremony-ah hian Kardashian te pawh hmuh tur an awm a, mipui mit fukna ber pakhat an ni.
MTV Movie & TV Award Winner
Best Movie : Black Panther
Best Show : Stranger Things
Best Performance in a Movie : Chadwick Boseman
Best Performance in a Show : Millie Bobby Brown
Best Hero : Chadwick Boseman
Best Villain : Michael B. Jordan
Best Kiss : Nick Robinson & Keiynan Lonsdale
Most Frightened Performance : Noah Schnapp
Best Comedic Performance : Tiffany Haddish
Best Fight : Gal Gadot vs. German Soldiers
Best Reality Series : Keeping Up With The Kardashians