US-ah rapper pahnih kah hlum an ni

American rapper XXTentacion chu Thawhṭanni zing khan Florida-ah kah hlum a ni a, hetih lai hian Pittsburgh lamah pawh rapper naupang tak Jimmy Wopo (21) chu Thawhṭanni vek khan kahhlum a ni. Rapper pahnih rawng taka thah an ni hian music khawvel a barakhaih hle a, lainattu pawh an tam hle a ni.

XXTentacion hi a hming tak chu Jahseh Onfroy a ni a, kum 20 mi chauh a la ni. Kum naupang te ni mah se, US-ah chuan rapper lar leh ngaihven hlawh ber pawl a ni. XXTentacion hi tu tih hriat loh hmai tumin SUV car a khalh lai a kap hlum a, a thil ṭhenkhat pawh a lak sak niin, police te chuan an sawi.

Pittsburgh rapper Jimmy Wopo hi a hming tak chu Travon Smart a ni a, Pittsburgh-a Middle Hill-ah Thawhṭanni tlai lam khan car-a a chuang lai kahhlum niin, midang pakhatin hliam a tuar ve bawk. Wopo-a manager Taylor Maglin chuan kum 21 mi thih thu hi a nem nghet tawh a, thil thlen dan chhui zui mek a nih thu a sawi.

Rapper pahnih chhunga thil thleng hi zai­thiam lar - Kanye West, J. Cole, Miley Cyrus leh midang eng emaw zatin pawi an tih thu an sawi a ni.