Maxim hot 100 list-ah Priyanka Chopra

Khawvel huapa magazine lar Maxim chuan kum tina an tichhuah ṭhin 'Maxim hot 100 list' chu an tichhuak leh ta a, Indian actress Priyanka Chopra pawh a langsar zingah a tel. List-ah hian American model Kate Upton chuan No. 1 a hauh thung a, Rihanna, Jennifer Lopez leh Cardi B te an lang ve bawk.

Maxim Hot 100 list hian ngaih­ven a hlawh ṭhin hle a, kuminah pawh a hit leh pek hle. Khawvel huap a nih tawh chuan dah hniam thei a ni lo a, chung zingah chuan Nick Jonas nena inzui mek Priyanka Chopra pawh hi a tel a ni.

Hot 100-a lang tur hian taksa hmel hmang leh pian zia ngawt teh a ni lo a, huhhang ngah ve tawk tak nih a ngai! List-a langte pawh hi mahni tawka thil tithei leh huhang ngah an ni tlangpui a, mi lar tak tak an katnuk a ni.

Chung zingah chuan kum 25 mi Kate Upton a chungnung ber a, American model Hailey Baldwin chuan nikum khan a ber nihna hi a lo hauh tawh a ni. Hemi hma hian Stella Maxwell leh Taylor Swift te an lo lang tawh bawk.

Maxim hot 100 list hi category panga - The Bomb­shells, The Divas, The Screen Sirens, The Fun­ny Girls leh The Power Players-ahte

ṭhen a ni. The bomb­shells-ah hian tunlai model lar Kendall & Kylie Jenner, Gigi & Bella Hadid te chu a langsar an ni a, Adriana Lima, Heidi Klum leh Sofia Richie te an langsar viau bawk.

The divas-ah hian zaithiam lar - Demi Lovato, Beyonce, Jennifer Lopez, Rihanna leh Cardi B te chu a chung lamah an awm a, english singer Dua Lipa bakah Taylor Swift te hming a chuang vang bawk.

The Screen Sirens-a langte pawh an hrawl hle a, Gal Gadot, Margot Robbie, Scarlett Johans­son, Reese Witherspoon, Jennifer Lawrence leh Megan Fox te an ni nawk. The Funny Girls-ah Chrissy Teigena langsar a, Amal Clooney, Meghan Markle, Kim Kardashian, Ivanka Trump leh Melania Trump te pawh The Power Players zinga an lang ve bawk.