Tom Morello album thar tur ‘The Atlas Underground Flood’

Rage Against the Machine leh Audioslave guitarist Tom Morello chuan December 3 hian a solo album ‘The Atlas Underground Flood’ a tichhuak dawn.

October thla khan Morello hian a solo collaboration album hmasa ber 'The Atlas Underground Fire' chu tichhuak tawhin December thla tirah hian a pahnihna hi a tichhuak lehnghal dawn a, Mom + Pop Music kaltlangin he album hi a tichhuak ang.

‘The Atlas Under-ground Flood’-ah hian mi hrang hrang a thawhpui dawn a, chung zingah chuan Nathaniel Rateliff, Jim James, IDLES, Ben Harper, Alex Lifeson, Kirk Hammett, X Ambassadors, Barns Courtney, Man-chester Orchestra leh Andrew McMahon in the Wilderness-te pawh an tel.

Morello chuan 'The Atlas Underground Fire' bul an ṭan rual khan ‘The Atlas Underground Flood’ hi an buaipui ve nghal tih a sawi.

October 15-a a tichhuah 'The Atlas Underground Fire'-ah khan mi lar hrang hrang- Bruce Springsteen, Eddie Vedder, Bring Me the Horizon, Phantogram, Chris Stapleton, Damian Marley leh Mike Posner-te a thawhpui tawh bawk.

Kum 57 lai ni tawh Morello hian Rage Against the Machine nen khan album paruk lai an tichhuak a, Audioslave-ah hming pathum a tichhuak bawk a, heng bakah hian project hrang hrangah telin a hming lanna album eng emaw zat a awm tawh a ni.