Latin Grammy Song of the Year atan Cuba protest anthem thlan a ni

Ningani zana 2021 Latin Grammy Awards semah, Cuba musician rualten an siam, Cuba sorkar laka lungawi lohna lantirnaa anthem atana an hman, 'Partia y Vida' chu Song of the Year 2021 atan thlan a ni.

He hla hi Yotuel Romero, Descemer Bueno, Maykel Osorbo, Eliecer “el Funky” Márquez Duany leh Gente de Zona-te siam a ni a, Ningani zana Las Vegas-a Award semnaah an perform nghal bawk.

'Patria y Vida' hian urban song of the year award a dawng bawk.

He hla hi Cuba ṭhalaite tawrhna, an rama beiseina an neih loh zia tarlanna a ni. Kumin February thla khan he hla hi tihchhuah a ni a, President Miguel Díaz-Canel leh official dangte chuan nasa takin an sawisel nghal a, mahni ram ngei beihna siam tluka thil lungchhiatthlak a awm lo ti hialin culture minister hlui Abel Prieto chuan a sawi a ni.