MDM-in Royalty an sem chhuak

Music Domain Mizo-ram (MDM) chuan a vawi 15-na atan an YouTube channel aṭangin Royalty an sem chhuak leh ta.

Royalty an sem chhuah thar berah hian Rs nuai hnih chuang an sem chhuak a, 'Kan Khua' hitmaker Rebecca Lallawmsangi chuan Royalty dawng tam berin Rs 83096 lai a dawng.

MDM hian artist 40 chuang hnenah Royaly hi an pe chhuak a, chung zingah chuan Sawmtea chhangte , Zaii Hauchhum, Maruati, Feli Fanai, Jenny Zathang, Marina Varte, Ticos Dara, Van hlei sung, Zorinzuali khiangte, Manuna, Seraphic Choir, R. Lalruatkima leh Keimah Senes-te chu dawngtu langsar an ni.

MDM hian YouTube leh an library aṭanga an sum hmuh chhuah aṭangin zaithiamte hnenah Royalty an sem chhuak ziah a, an Royalty sem chhuah tawh zawng zawng chu Rs 30,17,917 lai a ni tawh. YouTube aṭang bikin Rs 13,02,014 zet an sem chhuak tawh bawk.

An YouTube channel hian tunah hian subscriber 5,03,000 an nei tawh a ni.

Kum tawpah member nawlpui tan an pawisa tlingkhawm, tlemte pawh ni se a duh apiang tana lak chhuah theihna hun 'clearance' an siamsak ṭhin bawk a ni.