Lily Darnei

Femina Miss India thlannaah hian Haflong nula Lily Lalremkimi Darnei chuan Mizoram ai a awh a, a lakah beiseina a sang hle. Miss India Mizoram Lily Darnei hian Grand Finale neih hma hian sub-title pahnih a la a, contestant zingah pawh ngaihven hlawh ber pawl a ni phak.

Grand Finale-ah pawh hian top 12-ah a inhlangkai a, top 5-ah erawh a tling zo ta lo a ni. Hetih rual hian sub-title ngaihhlut hlawh pahnih - Fashion Icon leh Miss Iron Maiden a la a, Mizoram tihming ṭhatu a ni. Lily Darnei hi Zonet leh Miss Mizoram Organising aiawhin, Miss Mizoram 2017 Rody H. Vanlalhriatpui chuan a ṭawiawm a ni.

Lily Darnei chuan amah duhsaktu Mizo mipuite chungah lawmthu a sawi a, a bikin a hmuna ṭawiawmtute chungah thinlung takin lawmthu a sawi a ni. Amah ṭantute beisei a tihhlawhting thei lo erawh pawi a tih thu a sawi a, Mizoram tihming ṭhatu nih zel a tum thu a sawi.