Justin Bieber leh Hailey Baldwin an ri ret ret!

Justin Bieber leh American model chhe lo zet mai Hailey Baldwin te chu tun lai hian an inzui ngawrh hle niin khawthlang media-te chuan an tarlang.

JB-a leh Hailey te hi kar liam ta khan New York City-ah an chhuak dun hmuh a ni a, mipui pungkhawm zingah an in 'muah' vel a ni awm e. Paparazzi-te chuan a thlalak bakah, a video nen lam an lo nei leh hman pek a, insawifiah tum chi rual a ni lo. Miami lam an pan dun leh tih thlengin an hria a, an chanchin hian ngaihven a hlawh hle a ni.

Bieber (24) leh Hailey (21) te hi an kum pawh a inthlau lo hle a, an duh zawng leh nuam tih zawng pawh a inper san lutuk a rinawm loh. Kum 2009 khan a vawi khat nan hmai chhanah an lo intawng tawh a, dem te pawh an lo hlawh dun zak zak tawh a ni.

Hailey Baldwin hi Shawn Mendes nen sawi zawm an ni ve reng bawk a, Justin Bieber nen ualau taka an inzui leh tak avang hian zawhna pawh a tam hle a ni. Canadian singer Mendes chuan, "Ka ṭhian hnai tak ve ve an ni a, an inkar thil ka hriatpui lo," tiin a sawi.

Justin Bieber leh Hailey Baldwin te hi an inkawp rem a nih ngat chuan milar ingaizawng zinga ngaihven hlawh ber pawl an ni ang. Hailey hian Bieber-a chhungte pawh a hmelhriat sa a, kum 2015 khan an family vacation-ah a lo telpui tawh a ni.