Instagram tan Selena pen chhuak

Instagram chuan YouTube elphak tumin IGTV an tlangzarh a, darkar khata rei video pawh a upload theih tawh dawn a ni. IGTV-a tihchhuah tur short film siam­­­mek a ni a, he­tah hian Selena Go­mez pawh a inlan.

Canadian artist Petra Collins-i chuan IGTV-a tichhuah tur film 'A Love Story' a siam a, hetah hian Selan hi a changtu zingah a tel. Pop singer Selena hian film a lo chang ve nual tawh a, tum ṭuma a inlanna tur erawh film puitling pangngai a ni chiah lo thung. Kum 25 mi Disney Channel star hlui hi Petra Collins ṭhian hnai tak an ni a, 'Bad Liar' leh 'Fetish' music video-ah pwh khan an lo thawk dun tawh a ni.

Instagram chuan tun hnai khan IGTV hi an tlangzarh a, video minute khat lek lek upload theih kha tunah chuan darkar khat-ah a chho dawrh tawh dawn a ni. Hei hi a hmangtuten music bakah milarte chanchin leh short film thlenga an duh an en theihna tura ruahmanna a ni.

Instagram-in video platform an launch thar IGTV hi khawvel puamah hman theih tura duan a ni a, iOS leh Android hman a ngai thung a ni.