'Red Notice' chhunzawmnaah Ed Sheeran-an inlan leh beisei

'Red Notice' film en tawhte chuan an hmu vekin a rinawm. Film tawp dawn lamah Ed Sheeran chu beisei loh taka rawn inlanin a hla hit 'Perfect' a rawn sa a nih kha. He film hi a chhunzawmna an siam leh dawn tih thawm a awm nghal a, chutah chuan Ed Sheeran hian inlan leh a chak thu a sawi chhuak tlat mai.

'Bad Habbits' hitmaker hi comedy adventure film- Gal Gadot, Dwayne Johnson, leh Ryan Reynolds-te channaah hian a inlan zuai a, a chhunzawmna an siam leh hunah pawh director Rawson Marshall Thurber chuan inlan leh ngei tura a sawm a beisei a ni.

Hits Live-in an kawmnaah hemi chungchang hi sawi chhuakin a scene chu Covid-19 vangin Red Notice film scene an chan hnuhnung ber a nih thu a sawi bawk.