Mizoram Talent Hunt-a pakhatna Josephine Lalruatfeli

Mizoram Talent Hunt chu June 23, Inrinni khan Electric Veng YMA Hall-ah zawh fel a ni a, pakhat­na chu Josephine Lalruatfeli, Chaltlang a ni.

Innovations India buat­saih Talent Hunt-ah hian ṭhalai talent nei ṭha tak tak an inlan a, judge pathum - Feli Thangluah, Rody H Vanlalhriatpuii leh Henry Varte-te'n an endik a ni. Pakhatna Josephine hi a zai a, a zai hian entu mipui leh endiktute a hneh hle a ni.

Pahnihna chu lam thiam rual Zo Nation Boys an ni a, pathumna chu zai thiam Laldinpuii a ni. Top 3 bakah hian John Lalremtluanga leh Lal­hriatzela ten con­so­lation prize an dawng bawk.

Lawmman ṭha tak tak a awm a, Josephine hian Rs 40,000 a dawn bakah, mi pahnih tán Goa zinna tur a dawng tel bawk, Goa-ah hian ni li leh zan thum an cham thei dâwn a, thlawhtheihna chuan man leh luxury hotel-a thlenna man tumsak vek an ni ang. Hei hi Rs 1,00,000 man hu zet a ni.

Pahnihna hian Rs 25,000 dawngin, Rs 75,000 hu mi pahnih tan Goa zin theihna tur a dawng tel a, hei hian luxury hotel-a ni thum thlenna leh thlawh­theihna chuan man a keng tel bawk.

Pathumna pawh hian Rs 15,000 bakah, mi pa­hnih tana Goa zinna tur a dawng tel bawk a, luxury hotel-a thlenna tur leh thlawh­theihna chuan man Rs 25,000 a keng tel ve bawk.