GOT star Harington leh Leslie te inkutsuih

Lemchan khawvela an inhmangaihna chu a tawp a ni mai thei, mahse 'Game of Thrones' star Kit Harington leh Rose Leslie te hian a taka an inhmangaihna erawh tih­tawp an tum hauh lo. Kar kalta Inrinni khan Scotland-ah an inkutsuih a, chhung khat laina leh ṭhenrual ṭhate hmaah dam chhung atan thu an tiam a ni.

English actor Haring­ton (31) leh Scottish actress Leslie (31) te hi thingtlang khaw pa­khat Kirkton-a Rayne Church-ah an inkutsuih a, lawmpuitu an ṭhahnem hle. An ineih lawmpuitu zingah hian GOT-a an chanpui - Peter Dinklage, Maisie Williams, Sophie Turner leh Emilia Clarke te pawh an tel a ni.

Harington leh Leslie te hi kum 2012 khan a vawi khat an intawng a, hun eng emaw chen an inzui hnuah nikum September thla khan an inneih tur thu hi an puang a ni.

GOT-ah hian Haring­ton hi Jon Snow lemah a chang a, Ygritte lemah Leslie hi a chang ve bawk. Leslie hian 2014-a GOT a chhuahsan hnuah, U.S. legal drama The Good Fight-ah a inlan zui a ni.