Pantera drummer hlui Vinnie Paul a thi

American heavy metal band 'Pantera' drummer hlui leh tuna Hellyeah band member ni lai Vinnie Paul chu June 22, Zirtawpni khan kum 54 mi niin a thi a, a mu hlum nia tarlan a ni.

American musician Vincent Paul Abbott hi Vinnie Paul tia hriat lar a ni a, Pantera dintu zinga mi a ni. Kum 1981 khan a unaupa Dimebag Darrell nen Pantera hi an din a, music huanga chawimawina sang Grammy nomination-ah ṭum li zet an lang a ni.

Pantera band-ah hian hriat a hlawh hle a, an band tilartu ber pakhat ti hiala an sawi ṭhin a ni. American heavy metal band hi kum 2003 khan a chhuahsan a, hemi kum vek hian Dimebag Darrell nen Damageplan an din leh a ni. An band hi December 8, 2004 khan Columbus, Ohio-ah an concert a, hemi ṭum hian Dimebag Darrell hi kahhlum a ni.

Vinnie Paul hian kum 2006 khan heavy metal supergroup Hellyeah hi a zawm leh a ni. A thih thu hian rock music ngainatute a barakhaih hle a, uitu pawh a ngah hle a ni.