Nick Jonas-a'n makpa interview a nei!

'Duh loh nena khuang chawi ai chuan, duh ber te nena bahra khur laih pawh a thlan awm zawk' an tih kha Nick Jonas tan pawh a dik a ni ang, An ram nula hmelṭha tak tak tlansanin, India ramah a duh ber Priyanka Chopra a pan tlat mai. American singer hi tun hnai khan Mumbai-ah lo kalin, makpa interview a nei a niin an tarlang.

Indian actress Priyanka Chopra leh Nick Jonas te hi hun eng emaw ti aṭang khan sawi zawm an ni a, tunah chuan chhungte inhmelhriat tir lam an ngaipawimawh leh tawh. Pri­yanka nu Madhu an hmu a, chhungkhat laina hnaite nen zan­riah te pawh an kilho a ni awm e.

Nick Jonas leh Priyanka Chopra te hi Jonas-a cousin inenihna New Jersey-ah an kal dun hmuh an ni a, kar liamta khan Mumbai lamah hmuh dun an ni ve leh ta bawk. An thlalak pawh social media lamah a darh nasa hle a ni.