Wembley stadium-ah Taylor Swift a chepui Robbie Williams-a'n fan te a barakhaih

FIFA World Cup 2018 khuhhawnna-a perform Robbie Williams chu Taylor Swift concert-ah a inlan a, fan-ten an lawm hle.

American singer Taylor Swift hian June 23, Inrinni zan khan Wembley Stadium, London-ah concert a nei a, hemi ṭum hian fan-te beisei loh thil a tleng. English singer lar Robbie Williams chu stage-ah a inlan a, entu mipui thawm a ṭha kher mai. Robbie Williams hian a hla hit 'Angels' tih chu Taylor Swift nen hian an sa dun a, mipui an sa pa tal a ni ber!

England-a stadium lar leh an chhuanvawr ni bawk Wembley-ah mipui ṭha hnem tak an pungkhawm a, an duh an hmu. Stage zau ṭha tak maia Swift leh Robbie te che tla entu ten thawm chi hrang hrang an chhuah nasa hle a, aw rawl tawp tawpa au thawm hriat tur a tam hle.

Taylor Swift hian lawm a hlawh tak zet a, piano a tum laia Robbie Williams a rawn lan zet chuan mipui an sa hawk nasa hle. Robbie hian Taylor Swift lem chuanna t-shirt a ha a, stadium chhunga mi sing tel teh meuh chuan an mobile phone tiengin, an zai rual dual dual a ni.

Taylor Swift hian June 8 khan Etihad Stadium-ah Reputation Stadium Tour a lo nei tawh a, a ṭum hnih nan London-ah a concert leh a, chimtu an ṭhahnem leh pek hle. Chung zingah chuan England footballer lar David Beckham leh a fate pawh an tel niin an tarlang.

Swift hian May thla aṭang khan tour hi a nei ṭan a, November thla thleng a awh dawn a ni. A concert-ah hian Camila Cabello, Shawn Mendes, Selena Gomez leh Niall Horan te pawh an lo inlan tawh a ni.